اردوٹائمز(نیوز) قومی اسمبلی اور سینٹ میں امریکی اور اتحادی فورسز کی جانب سے انگور اڈہ پر دہشت گردانہ حملے کے خلاف قراردادیں متفقہ طور پر منظور کرلی گئیں۔ قراردادوں میں واضح کیا گیا ہے کہ اس حملے سے پاکستان کے اقتدار اعلیٰ کو چیلنج کیا گیا ہے یہ شرمناک حملہ جس میں بے گناہ شہری بچے اور عورتیں شہید ہوئیں۔وزیر خارجہ نے کہاکہ افغان حکومت سمجھ لے کہ الزامات سے کچھ حاصل نہیں ہوگا اور پاکستان کی جانب سے سرحد پر باڑ لگانے سمیت متعدد تجاویز دی گئی تھیں۔ انہوں نے کہا وہ ممالک جو دہشت گردی کی جنگ میں شریک ہیں ان کی جانب سے سرحدی خلاف ورزی شرمناک ہے حیرت ہے اس واقعے کے بارے میں نیٹو کو اطلاع نہیں تھی۔ جبکہ اس حملے میں معصوم بچے اور خواتین شہید ہوئی ہیں اور پاکستان کی عوام واقعہ کی پرزور مذمت کرتے ہیں۔
