دنیا کے2 بلاکوں میں تقسیم ہونے کا خطرہ ہے:گوربا چوف

اردو ٹائمز( نیوز)سوویت یونین کے سابق صدر میخائل گورباچوف نے خبردار کیا ہے کہ جارجیا کے بحران پر دنیا کے ایک بار پھر دو بلاکوں میں تقسیم ہونے کا خطرہ پیدا ہو گیا ہے جبکہ روسی وزیر خارجہ سرگئی لاروف کا کہنا ہے کہ جنوبی اوسیشیا کو تسلیم کرنے پر روس کو عالمی تنہائی کا سامنا نہیں۔ روس کے سرکاری خبر رساں ادارہ کے مطابق سوویت یونین کے سابق صدر میخائل گوربا چوف نے کہا ہے کہ جارجیا کے بحران سے امریکی اور یورپی منافقت سے دنیا ایک بار پھر دو حصوں میں تقسیم ہونے کا خطرہ پیدا ہو گیا ہے۔ سابق صدر نے کہا کہ امریکی پالیسیوں سے دنیا میں ایک بار پھر بدنظمی پھیلنا شروع ہو گئی ہے۔ دریں اثناءروس کے وزیر خارجہ سرگئی لاروف نے کہا کہ جنوبی اوسیشیا پر جارجیا کی جارحیت کے باوجود نیٹو اور امریکی حلیف ممالک کے گٹھ جوڑ سے روس عالمی سطح پر تنہائی کا شکار نہیں ہو سکتا۔