پاک ہاکی ٹیم بھارت میں چارملکی ٹورنامنٹ میں شرکت کریگی

لاہور(اردوٹائمز سپورٹس رپورٹر) قومی ہاکی ٹیم اگلے سال بھارتی سرزمین پر منعقدہ 4 ملکی ہاکی ٹورنامنٹ میں شرکت کرے گی ۔ پاکستان ہاکی فیڈریشن کے سیکر ٹری اولمپئن آصف باجوہ نے بتایا کہ بھارتی ہاکی فیڈریشن نے انہیں چار ملکی ہاکی ٹورنامنٹ میں شرکت کی دعوت دی ہے یہ ٹورنامنٹ اگلے برس بھارتی شہر جالندھر میں منعقد کیا جا رہے جس کی دیگر ٹیموں میں میزبان بھارت ، ہالینڈ اور جرمنی ہوں گی ۔انہوں نے بتایا کہ ہماری بھارتی ہاکی فیڈریشن سے دونوں ملکوں کے درمیان سالانہ بنیادوں پر ہاکی ٹیسٹ سیر یز کے انعقاد کی بات چیت بھی چل رہی ہے تاکہ ہم ایک دوسرے کے خلاف کھیل کر عالمی ہاکی کیلئے اپنے کھلاڑیوں کو بہتر توجہ دے سکیں ۔یورپی ٹیمیں ایک دوسرے کے خلاف بہت زہادہ ٹورنامنٹس اور سیر یزز کھیلتی ہیں لیکن بد قسمتی سے ہمیں اس کے مواقع نہیں مل پاتے تاہم اب ہم کو شش کر رہے ہیں کہ سالانہ بنیادوں پر پاکستان اور بھارت کے مابین سیر یز منعقد ہو سکے ۔