اپر اورکزئی، امریکہ کےلئے جاسوسی کے الزام میں دوافراد قتل
اپر اورکزئی، امریکہ کےلئے جاسوسی کے الزام میں دوافراد قتل
مہمند ایجنسی اورارکزئی ایجنسی میں دیگرواقعات میں ایک شخص جاں بحق ،متعددمکانات کو نقصان پہنچا
فیروز خیل (این این آئی) اپر اورکزئی کے علاقے امریکہ کےلئے
جاسوسی کے الزام میں دوافراد کوقتل کردیاگیا۔نجی ٹی وی کے مطابق جمعرات کو شکرتنگی
کے قریب سڑک سے دو افراد کی لاشیں ملی ہیں۔ لاشوں کے پاس سے ایک خط بھی ملا ہے جس
میں لکھا ہے کہ امریکہ کے لئے جاسوسی کرنے والوں کا یہی انجام ہوتا ہے۔ دریں
اثناءمہمند ایجنسی کی تحصیل پنڈیالی میں مکان پر گولہ گرنے سے ایک شخص جاں بحق ہوگیا
۔ کئی گولے بجلی کی مرکزی لائن پر بھی گرے جس سے پنڈیالی کو بجلی کی فراہمی معطل
ہو گئی۔ فورسز نے پنڈیالی اور تحصیل لکڑو میں شدت پسندوں کے مشتبہ ٹھکانوں پر گولہ
باری کی، پشاور باجوڑ اشاہراہ ہر قسم کے ٹریفک کے لئے بند ہے۔ دوسری جانب اورکزئی
ایجنسی کے علاقے فیروز خیل میں شدت پسندوں نے متعددراکٹ فائر کئے ہیں۔ جس سے
مکانات اور دکانوں کو نقصان پہنچا۔
