کراچی
(اردو ٹائمز) سندھ میں جدید تعلیم کو صوبائی پیمانے پر متعارف کروانے کے لئے نئے قومی بجٹ 09۔2008 کے مطابق سندھ کی
حکومت نے صوبے کے تمام سرکاری اسکولوں اور کالجز میں زیر تعلیم طلباء و طالبات کو
کمپیوٹر جیسی جدید تعلیم کی سہولت میسر کرنے کے لئے 50 کروڑ روپے کی رقم سے ایک
منصوبہ تیار کیا ہے ۔ رپورٹ کے مطابق اس منصوبے کا مقصد سرکاری اداروں میں زیر
تعلیم طلبا کو پرائیویٹ اداروں کے طلبہ کے مساوی بنانا ہے جس کے تحت سندھ حکومت نے
تمام سرکاری تعلیمی اداروں میں مڈل سے انٹر جماعت تک کے طلبہ کوکمپیوٹر کی
تعلیم کی سہولتیں فراہم کی جائیں گی۔ اس پروجیکٹ کو خاس طور پر اندرون سندھ کے دوردراز
علاقوں کے طلبہ میں متعارف کروایا جائے گا جو ابھی تک کمپیوٹر کی تعلیم سے نا آشنا ہیں۔ سرکاری سکولوں اور کالجز میں
این جی اوز اور پرائیویٹ سیکٹرز کی مدد سے کمپیوٹر ایجوکیشن اور ٹریننگ سنٹرز قائم
کیے جائیں گے اور بہترین کمپیوٹر اساتذہ کا انتظام کیا جائے گا۔
