اردو ٹائمز(نیوز) لوٹن کے سیاسی و سماجی رہنما سید حسین شہید سرور نے ممتاز سینئر صحافی اور معروف کشمیری رہنما علی کیانی کو برٹش کشمیریوں کی آواز قرار دیتے ہوئے زبردست خراج عقیدت پیش کرتے ہوئے کہا کہ انہوں نے اپنے قلم کے ذریعے برطانیہ میں بسنے والے کشمیری اور پاکستانی کمیونٹی کے مسائل اور انکے جذ بات کو آواز دی۔وہ کشمیری حلقوں میں بے حد مقبول شخصیت کے حامل تھے۔انھوں نے مقبوضہ کشمیر میں بھارتی افواج کے ظلم وستم کی ہمیشہ سخت مخالفت کی۔انکے بے وقت انتقال نے صحافت کا انمول ہیرا کھو دیا۔سید حسین شہید سرور نے اللہ رب العزت سے دعا کی کہ وہ مرحوم کو کروٹ کروٹ جنت الفردوس میں اعلیٰ مقام عطا فرمائے اور انکے پسماندگان اور ساتھیوں کو یہ عظیم صدمہ برداشت کرنے کی توفیق عطا فرمائے۔
