اردو ٹائمز(نیوز) لبرل پارٹی آف کینیڈا کے ڈپٹی لیڈر مائیکل اگناٹف نے 5 ستمبر بروز جمعہ کو ڈان ویلی ویسٹ سے فیڈرل لبرل امیدوار راب اولیفنٹ کے ہمراہ رائیڈنگ کا دورہ کیا اور ووٹروں سے ملاقات کی۔ وہ مسجد دارالسلام بھی گئے اور نمازیوں سے رائیڈنگ کے مسائل اور ان کے حل کے سلسلے میں بات چیت کی۔ بعد ازاں انہوں نے راب اولیفنٹ کے ہمراہ ایتھنک میڈیا سے بھی ملاقات کی اور ان کے سوالات کے جوابات دیئے۔ امیگریشن کے موضوع پر میڈیا کے سوالات کے جواب میں مائیکل اگناٹف نے کہا کہ لبرل پارٹی اقتدار میں آکر امیگریشن کے نئے قوانین جو کہ کنزرویٹو حکومت نے متعارف کرائے ہیں کو ختم کرے گی۔ راب اولیفنٹ اور مائیکل اگناٹف نے ہیلتھ کیئر اور ہاﺅسنگ جیسے مسائل پر بھی تبادلہ خیال کیا اور لبرل پارٹی کی طرف سے اس سلسلے میں اصلاحات کا اعادہ کیا۔
