اردو ٹائمز(نیوز) جین سٹریٹ اور لارنس ایونیو ویسٹ پر واقع گھر سے پولیس کو ایک فون کال پر گزشتہ روز بتایا گیا کہ باہر جہاں پر ایک پارٹی چل رہی تھی فائرنگ کی آوازیں سنی گئی ہیں۔ پولیس فوری طور پر موقع واردات پر پہنچ گئی جہاں پر معلوم ہوا کہ 15 سال سے 19 سال کی عمر کے چار لڑکے گن کی فائرنگ سے زخمی ہو گئے ہیں۔ انہیں فوری طور پر ہسپتال داخل کروا دیا گیا ہے جہاں پر ان کی حالت خطرے سے باہر ہے۔ پولیس نے ملزموں کے بارے میں ابھی کوئی تفصیلات دینے سے انکار کر دیا ہے۔ کسی کو اگر اس واقعے کے بارے میں معلومات ہوں تو فوری طور پر پولیس کو اطلاع کی جائے
