اردو ٹائمز(نیوز) ایک شخص کی فائرنگ کے نتیجے میں دو افراد زخمی ہو گئے ہیں جنہیں فوری طور پر ہسپتال داخل کروا دیا گیا ہے۔ واقعات کے مطابق پولیس کو ایک فون کال سے اطلاع ملی اور ایک ڈری ہوئی عورت نے واقعے کے بارے میں بتایا تو پولیس نے جائے واردات پر پہنچ کر فوری کارروائی شروع کر دی۔ یہ واردات مکاون اور لارنس کے انٹرسیکشن پر واقع ایک بنگلے پر ہوئی ہے۔ اس فائرنگ کے نتیجے میں ایک 21 سالہ اور دوسرا 25 سالہ نوجوان زخمی ہو گئے ہیں جنہیں طبی امداد دی جا رہی ہے۔ پولیس نے بتایا ہے کہ قاتل نے جس شخص پر حملہ کیا ہے اسکی بہن کو بھی نشانہ بنانے کی کوشش کی تھی۔ پولیس ملزم کو گرفتار کرنے کے لئے کارروائی کر رہی ہے۔
