لاہور(این این آئی ) ریلوے انتظامیہ نے عید الاضحی کے موقع پر اضافی رش کے پیش نظر عوام کی سہولت کیلئے ملک کے مختلف شہروں سے 6عید سپیشل ٹرینیں چلانے کا فیصلہ کیا ہے ۔پہلی سپیشل ٹرین کوئٹہ سے 6دسمبر کو دن ساڑھے 12بجے روانہ ہو کر اگلے روز رات پونے 10بجے پشاور کینٹ پہنچے گی ۔ دوسری سپیشل ٹرین 7دسمبر کو کوئٹہ سے دن ساڑھے 12بجے روانہ ہو کر شام 6بجے راولپنڈی پہنچے گی ۔ تیسری سپیشل ٹرین 6دسمبر کو کراچی کینٹ سے دوپہر 1بجے روانہ ہو کر اگلے روز شام 7بجکر 15منٹ پر پشاور کینٹ پہنچے گی ۔ چوتھی سپیشل ٹرین 7دسمبر کو کراچی کینٹ دوپہر 1بجے روانہ ہو کر براستہ شور کوٹ ‘ملتان سے ہوتی ہوئی اگلے روز 9بجے صبح فیصل آباد پہنچے گی ۔ پانچویں سپیشل ٹرین 8دسمبر کو پشاور کینٹ سے دن 12بجے روانہ ہو کر رات 8بجکر 45منٹ پر لاہور پہنچے گی ۔ آخری سپیشل ٹرین 12دسمبر کو پشاور کینٹ سے دوپہر 12بجے روانہ ہو کر براستہ مین لائن سے اگلے روز رات 7بجکر 30منٹ پر کراچی کینٹ پہنچے گی ۔
