بجلی کی نئی لائنیں بچھانےکیلئے50 لاکھ90ہزارروپےفراہم
لیسکو نے 50لاکھ 90ہزار کی لاگت سے ایل ٹی اور ایچ ٹی لائنوں کے مختلف منصوبوں کی منظوری دیدی
لاہور (این این آئی) لاہور الیکٹرک سپلائی کمپنی
نے بجلی کے ترسیلی نظام میں بہتری لانے اور اسے وسعت دینے کے پروگرام کے تحت بجلی
کی نئی لائنیں بچھانے کیلئے 50لاکھ 90ہزار روپے کی لاگت سے ایل ٹی اور ایچ ٹی
لائنوں کے مختلف منصوبوں کی منظوری دیدی۔ لیسکو ترجمان جاوید احمد خان کے مطابق
غلہ منڈی الہٰ آباد شیخوپورہ کے علاقے ڈیرہ علی حسن‘ اٹاری موڑ نزد کالا گجر حویلی‘
بس سٹاپ کمبوہ جی ٹی روڈ‘ نورانی مسجد نزد مناواں‘ جلو موڑ نزد جامع مسجد‘ جھگیاں
لکھو ڈیرہ‘ غوثیہ کالونی لاہور اور گاﺅں خواجہ فلک کے علاقوں میں نئی ٹرانسمیشن
لائنیں بچھائی جائینگی اس منصوبے پر جلد کام کا آغاز کر دیا جائیگا۔ ترجمان کے مطابق
جی ٹی روڈ پر کمبوہ بس سٹاپ کے قریبی علاقے میں 3لاکھ 51ہزار 540روپے کی لاگت سے
نئی ٹرانسمیشن لائن جبکہ جھگیاں کوٹ لکھپت کے علاقے میں 5لاکھ 61ہزار سے نئی تاریں
بچھائی جائینگی۔
