اردو ٹائمز(نیوز) امریکہ میں اقتصادی شعبہ کی ناقص کارکردگی کی وجہ سے بیروزگاری کی شرح 5.7 فیصد بڑھ گئی ہے اور جولائی میں 51 ہزار افراد روزگار سے محروم ہوئے ہیں۔ اقتصادی ماہرین نے کہا ہے کہ امریکہ کو گذشتہ سال سے عالمی سطح پر تیل اور ایندھن کی قیمتوں میں اضافہ اور دیگر وجوہات کی بناءپر شدید مسائل کا سامنا ہے اور معاشی شعبہ کی کارکردگی زیادہ تسلی بخش نہیں رہی۔ انہوں نے کہا کہ ٹھوس منصوبہ اور مالیاتی و اقتصادی شعبہ میں اصلاحات کے ذریعہ امریکی حکومت اپنے مقاصد حاصل کر سکتی ہے جس سے نہ صرف افراط زرکی شرح میں کمی آئے گی بلکہ معاشی استحکام کی کوششوں کو بھی تقویت حاصل ہو گی۔ انہوں نے امید ظاہر کی کہ رواں سال کے دوران بہتر اقتصادی حکمت عملی کی بدولت امریکی حکومت معاشی سست روی جیسی مشکلات سے نکل آئے گی۔
