روس: تیل و گیس کمپنی گازپروم نے ریکارڈ 12 ارب ڈالر کا دوگنا منافع کمایا

اردو ٹائمز(نیوز) روس کی سرکاری تیل و گیس کمپنی گازپروم نے رواں سال کے پہلے ششماہی میں ریکارڈ 12 ارب ڈالر کا دوگنا منافع کمایا۔ گزشتہ روز کمپنی ترجمان نے ایک بیان میں کہا کہ کمپنی نے رواں سال کے پہلے چھ ماہ میں 12.2 ارب ڈالر کا منافع کمایا جبکہ گزشتہ سال اسی مدت میں منافع کمانے کی شرح موجودہ کے نصف سے بھی کم تھی۔ روس میں مجموعی طور پر پیدا ہونے والی قدرتی گیس کی 85 فیصد ملکیت گازپروم کے پاس ہے۔ ترجمان نے کہا کہ گزشتہ سال جنوری اور جون کے درمیانی مدت میں کمپنی نے 5.9 ارب ڈالر کا منافع کمایا تھا۔