ٹریڈ ڈویلپمنٹ اتھارٹی کا برمنگھم کے تجارتی میلے میں شرکت کا فیصلہ

اردو ٹائمز(نیوز) ٹریڈ ڈویلپمنٹ اتھارٹی آف پاکستان (ٹی ڈی اے پی) نے برمنگھم میں موسم بہار کے تجارتی میلے میں شرکت کرنے کا فیصلہ کیا ہے جو آئندہ سال یکم سے 5 فروری تک جاری رہے گا۔ ٹی ڈی اے پی کے ذرائع کے مطابق برمنگھم کا موسم بہار میلہ دنیا کے بڑے پرچون خریداری کے مواقع میں ایک بڑا موقع ہے اور گذشتہ سال اس میں 4 ہزار نمائش کنندگان نے اپنی اشیاءکی نمائش کی تھی جبکہ 73 ہزار کے لگ بھگ لوگ اس میلے کو دیکھنے آئے تھے جن میں 10 فیصد بین الاقوامی خریدار تھے۔ ٹی ڈی اے پی نے تجارتی میلے میں شرکت کے خواہشمند برآمدکنندگان اور تاجروں سے 7 جولائی تک درخواستیں طلب کر لی ہیں۔