اردو ٹائمز(نیوز) فن لینڈ کی قومی فضائی کمپنی فن ایئر نے تیل کے بحران کے پیش نظر اپنی افرادی قوت کی تعداد میں 500 کی کمی کرنے کا فیصلہ کیا ہے۔ اس وقت ایئر لائن میں تقریباً 9500 افراد کام کر رہے ہیں۔ کمپنی نے ترقیاتی سٹریٹجی کو یقینی بنانے کیلئے 77 ملین ڈالر کے اخراجات میں کمی کا اعلان کیا ہے جس کیلئے روزگار کے مواقع میں کمی کی جائے گی۔ اخراجات میں کمی کا مقصد تیل کی بڑھتی ہوئی قیمتوں سے نمٹنا ہے، اس سال فن ایئر کے تیل کے اخراجات گزشتہ سال کی نسبت 180 ملین یورو زائد ہیں۔ ایئر لائن کا کہنا ہے کہ چین یورپی ممالک اور داخلی روٹس کیلئے اس کی پروازوں کی ڈیمانڈ میں بھی کمی آئی ہے۔
