صدر کا مواخذہ جمہوریت کیلئے تاریخی لمحہ ہے: شیری رحمن

اردو ٹائمز (نیوز) وفاقی وزیر اطلاعات و نشریات شیری رحمن نے کہا ہے کہ صدر کا مواخذہ پاکستان میں جمہوریت کیلئے تاریخی لمحہ ہے، اس عمل سے ثابت ہوتا ہے کہ کوئی فرد یا ادارہ احتساب سے بالاتر نہیں ہے، حکمران اتحاد نے یہ فیصلہ پارلیمنٹ کی بالادستی اور جمہوریت کیلئے کیا ہے۔ جمعہ کو یہاں اپنے ایک انٹرویو میں وفاقی وزیر اطلاعات و نشریات شیری رحمن نے کہا کہ صدر کا مواخذہ کر کے ہم 18 فروری کو عوام کی طرف سے دیئے گئے مینڈیٹ کی پیروی کر رہے ہیں۔